Marta Sánchez pechará o Entroido de Ourense

A cantante Marta Sánchez actuará o 5 de marzo en Ourense, no Auditorio Municipal, como peche do Entroido 2022, nun concerto organizado polo Concello.

Segundo informa o Concello, será un concerto "íntimo" con prezos de 12 euros por entrada.

O concerto forma parte da xira 'A solas con Marta', cunha banda reducida e formato acústico con coros e piano. Na súa actuación en Ourense repasará os grandes éxitos da súa carreira.

Sánchez suma 35 anos de traxectoria profesional na música desde que entrou a formar parte da banda Olé Olé como vocalista nos anos oitenta.