Falecen catro persoas previamente diagnosticadas con COVID
Todas as persoas falecidas padecían patoloxías previas.
Por Europa Press / Redacción | SANTIAGO DE COMPOSTELA | 13/01/2022 | Actualizada ás 20:58
A Consellería de Sanidade notificou este xoves outro catro falecementos en Galicia, o que eleva a cifra total de mortes vinculadas ao SARS-Cov-2 a un total de 2.836 persoas.
Segundo o parte de decesos emitido na tarde noite deste xoves, o luns 10 de xaneiro produciuse a morte dunha muller de 92 anos no Hospital Universitario Lucus Agusti, que se sumou agora ao cómputo.
O martes 11 faleceron tamén dúas mulleres, de 86 e 85 anos, no hospital Povisa de Vigo e no Complexo Hospitalario Universitario de Santiago de Compostela (CHUS), respectivamente.
A última morte notificada é do día 12, unha muller de 86 anos, que faleceu tras ser diagnosticada por coronavirus no Hospital do Salnés.
A Consellería de Sanidade informou de que todas tiñan patoloxías previas detectadas.
Este catro falecementos súmanse ao cinco decesos rexistrados e notificados correspondentes a esta semana, ademais da decena de casos que se sumaron ao fin de semana no parte comunicado o luns 10 de xaneiro.
