A Universidade da Corula non celebrará por segundo ano consecutivo a festividade de Santo Tomás pola pandemia

A Universidade da Coruña (UDC) non celebrará este venres, 28 de xaneiro, Día da Universidade, festividade de San Tomás de Aquino, o acto institucional en que se recoñece ao alumnado sobresaliente debido á pandemia. Farao por segundo ano consecutivo, segundo informa o reitorado.

O Día da Universidade celébrase facendo entrega dos premios ao alumnado distinguido polo seu esforzo tanto no acceso á universidade, como nos estudos de grao, máster e doutoramento.

"Nesta ocasión, co fin de evitar posibles riscos innecesarios de contaxio entre o alumnado e as súas familias, non se entregará nun acto oficial senón que os diplomas correspondentes entregaranse nas administracións dos centros de cada titulación, a partir da próxima semana", explica.

Tamén precisa que se fará "salvo os Premios de Excelencia da UDC ás mellores notas de admisión nos graos que se entregarán no Servizo de Estudantes".