Xulgan a un home acusado de abusar sexualmente da súa sobriña en Ferrol
Piden cinco anos de cárcere.
Por Europa Press / Redacción | SANTIAGO DE COMPOSTELA | 29/01/2022 | Actualizada ás 11:37
A sección primeira da Audiencia Provincial da Coruña celebrará o luns, día 31, ás 09,45 horas, o xuízo contra un home acusado de abusar sexualmente da súa sobriña.
Segundo a cualificación fiscal, en agosto de 2019, cando a menor tiña 10 anos e se atopaba no domicilio da súa avoa materna en Ferrol, na única compañía do seu tío materno e da filla deste, tamén menor, o home pediulle un bico.
Ela accedeu "virando o procesado sorpresivamente a cara conseguindo que a menor llo dese na boca" para, a continuación, realizarlle tocamentos tanto nese momento como con posterioridade nunha habitación.
A Fiscalía cualifica os feitos como constitutivos dun delito de abusos sexuais e pide para o procesado unha pena de cinco anos de prisión.
