O total de vítimas en Galicia con coronavirus aumenta a 2.924 tras seis novas mortes

Catro dos seis óbitos notificados pola Consellería producíronse o pasado 28 de xaneiro.

Por Europa Press / Redacción | SANTIAGO DE COMPOSTELA | 29/01/2022 | Actualizada ás 20:23

Comparte esta noticia

A Consellería de Sanidade notificou seis novas mortes con coronavirus en Galicia nas últimas horas. Deste xeito, o total de vítimas elévase a 2.924 desde o inicio da pandemia.

Estas seis persoas contaban con patoloxías previas. Dous deses óbitos tiveron lugar este sábado, 29 de xaneiro. Trátase de dous homes de 74 e 79 anos falecidos no Chuac da Coruña.

Pola súa banda, na xornada do 28 de xaneiro producíronse outras catro defuncións. Foron tres mulleres de: 87 anos (falecida no seu domicilio na área sanitaria de Ourense), 87 anos (no CHUO de Ourense) e de 89 anos (no Chuac). A lista complétase cun home de 96 anos, finado no hospital de Verín.

Un grupo de nenos acode a recibir a vacina contra o Covid-19, na Cidade da Cultura, a 15 de decembro de 2021, en Santiago de Compostela / Álvaro Ballesteros - Europa Press. / Europa Press
Un grupo de nenos acode a recibir a vacina contra o Covid-19, na Cidade da Cultura, a 15 de decembro de 2021, en Santiago de Compostela / Álvaro Ballesteros - Europa Press. / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta