Por Europa Press / Redacción | SANTIAGO DE COMPOSTELA | 01/02/2022 | Actualizada ás 10:20
Axentes da Garda Civil do posto de Celanova detiveron a un veciño deste municipio, de 77 anos de idade, como presunto autor dun delito de lesións, tras agredir cunha arma branca a outro veciño, que tratou de interporse nunha discusión, e que recibiu un corte na cara.
Segundo informaron fontes do Instituto Armado, os feitos ocorreron o pasado domingo no lugar de Fechiñas. O presunto agresor chamou ao outro home, de 70 anos, para pedirlle que acudise ao seu domicilio, onde había unha muller que non se quería ir.
Cando o veciño chegou á casa, atopouse co home e a muller estaban a discutir, e tratou de intermediar, póndose no medio para evitar a pelexa. Nese momento, recibiu un corte na zona dereita da cara cunha arma branca, e necesitou 10 puntos de sutura.
A Garda Civil detivo ao home como presunto autor dun delito de lesións. As dilixencias foron postas en coñecemento do xulgado de instrución de Celanova.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.