Marea Atlántica reclama a intervención pública de Alu Ibérica na Coruña
Por E.P. | A Coruña | 01/02/2022 | Actualizada ás 19:17
O portavoz provincial da Marea Atlántica, Alberto Lema, reclamou a intervención pública da planta por parte da SEPI, tras unha reunión co comité de empresa.
Tras ela, sinalou que a única saída nestes momentos para as instalacións da Agrela é "unha intervención pública por parte da SEPI, que recupere a produción de aluminio a curto prazo e garanta que poida subsistir na Coruña".
Ademais, rexeitou o desmantelamento dunha fábrica "viable e con carteira de clientes, xusto no momento no que o aluminio consegue maiores prezos nos mercados internacionais", sinalou.
Tamén denunciou que a Xunta e o Goberno central están "a incumprir os seus compromisos de garantir a viabilidade de Alu Ibérica, compromisos que adquiriron ao avalar a compra fraudulenta da fábrica.
