Por E.P. | SANTIAGO DE COMPOSTELA | 05/02/2022 | Actualizada ás 18:57
Manuel Baltar cumprirá este domingo, 6 de febreiro, unha década como presidente da Deputación de Ourense. "Dez anos, tres mandatos. Creo que o futuro está aínda por escribir, pero o legado de todo este tempo está aí", expresa para celebrar esta data.
En declaracións remitidas aos medios, Baltar reivindica, con ocasión desta efeméride, fitos conseguidos como o "liderado nacional en transparencia" --conforme a un estudo da consultora Dyntra coñecido esta semana-- ou a aprobación dos orzamentos provinciais "antes que ningunha outra administración pública en España".
Xunto a isto, o presidente da Deputación destaca o seu labor para conseguir "débeda cero" na institución e para converter a Ourense na provincia galega "máis segura, con todos os seus pobos a menos de 30 minutos" dun grupo de emerxencias supramunicipal (GES).
Coa mirada posta no futuro, Baltar destaca iniciativas impulsadas pola Deputación como o Centro Galego de FP; o plan 'Ourense, Provincia Termal' cun gran hotel balneario; e a campaña para distinguir á Ribeira Sacra como Patrimonio da Humanidade.
Ademais, o parque acuático proxectado para Monterrei "será unha referencia no noroeste peninsular" e a Casa da Lusofonía se integrara "na rede de casas do Ministerio de Asuntos Exteriores". Tamén se referiu a proxectos xa executados como o Edificio Provincia Intelixente, o Observatorio Económico Ourensán e a Ourense Film Comission.
MEDIDAS SOBRE "A IDENTIDADE" DE OURENSE
En canto ás medidas que "apelan á identidade" de Ourense, Baltar destaca "contar cun himno propio, os premios 'Ourensanía' e o debate sobre o estado da provincia", así como o bautizo do centro cultural co nome dos investigador Marcos Valcárcel e potenciar a Real Banda de Gaitas.
Así mesmo, sitúa a "posta en valor do territorio" como un dos eixos do Instituro Ourensán de Desenvolvemento Económico (Inorde), con accións para o sector primario como a 'Marca Ourense'.
"XESTIÓN" E "RIGOR"
En palabras de Baltar, todas elas son cuestións organizativas nas que "ten un peso importante a xestión e o rigor". "Claves de procesos nos que me acompañan un grandísimo equipo", di, non só sobre as deputadas do seu goberno, senón tamén sobre os servizos dunha "institución nova e con capacidade para atraer aos mellores".
De feito, sitúa todo iso nunha "nítida" folla de ruta: "Todo o equipo sabe que temos un plan. Somos a única deputación, a única institución provincial de España que concorre a unhas eleccións cunha serie de medidas innovadoras".
O actualmente está en vigor o 'Plan 7273', no que, segundo asegura a Deputación, indícase "o día, a hora, o mes e o ano no que se realizarán as actuacións previstas". "Xogamos coas cartas boca arriba para que as veciñas e veciños vexan non só esa transparencia senón tamén o rigor e os obxectivos. É unha forma de autoexigirnos, de cumprir retos e asumir os novos desafíos que xorden cada día", explica Baltar.
MÁIS PROXECTOS
Así mesmo, o presidente remarca como o seu goberno implantou plans como o 'ChegOU' ou o 'BenOurense', á parte de proxectos como o 'EmprendOU', a 'Raia Termal', o 'Destino Turístico Intelixente' ou a primeira estratexia provincial para os fondos 'Next Generation' e o marco financeiro plurianual da Unión Europea.
"Estes plans só podémolos conseguir grazas á visibilidade que temos", engade Baltar, quen reivindica a súa condición de integrante da Xunta Directiva da Federación Española de Municipios e Provincias (FEMP), de vicepresidente da Federación Nacional de Municipios con Encoros, de membro da dirección da Fundación de Democracia e Goberno Local, e de presidente da Asociación de Cidades Termais Históricas de Europa (EHTTA), entre outros cargos para "a mellora de Ourense".
Non en balde, en vista do seu décimo aniversario á fronte da Deputación, unha institución que este mesmo 2022 cumprirá 200 anos, Baltar celebra a "sacudida competitiva" que supón o AVE: "Aproveitaremos estar a dúas horas e dez minutos de Madrid igual que a nosa veciñanza con Portugal". "Teño tanto orgullo co conseguido entre todos este dez anos como forza para os próximos tempos que veñen para Ourense", conclúe.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.