O PP de Poio convoca unha manifestación contra a "suba de impostos" promovida polo goberno local
A manifestación transcorrerá este domingo contra as taxas "máis caras" de Galicia promovidas polo goberno local dos "tres alclades".
Por E.P. | PONTEVEDRA | 06/02/2022 | Actualizada ás 10:54
O PP de Poio celebrará este domingo unha manifestación con vehículos para protestar contra a "subida de impostos" que promove o goberno local dos "tres alcaldes", xa que está composto por PSOE, BNG e Avante.
O portavoz municipal do PP, Ángel Moldes, fixo un chamamento este martes a que todos os veciños saian á rúa cos seus coches para dicirlle ao tripartito que "xa abonda" de manter as taxas e tributos "máis caros" de Galicia.
Ademais, segundo cifras que dan os populares, a débeda do Concello xa subiu ata os 9 millóns de euros, polo que se sitúa como "a máis alta da provincia".
"Mentres outros concellos baixan os impostos, reducen a débeda e fan investimentos, desde que entrou o tripartito o único que fixeron foi subir impostos, aumentar a débeda e hipotecar aos veciños sen facer ningún investimento de envergadura", asegurou Moldes, quen se pregunta en nome dos veciños: "Onde vai o diñeiro?". A manifestación contra o goberno de Poio sairá ás 11,00 horas da Seca e percorrerá todas as parroquias do municipio.
