Culleredo garda un minuto de silencio pola morte de dous veciños nun accidente de tráfico
Perderon a vida nunha saída de vía ocorrida ao redor das 04,00 da madrugada do pasado domingo.
Por E.P. | Santiago de Compostela | 07/02/2022 | Actualizada ás 17:48
O Concello de Culleredo (A Coruña) gardou este luns un minuto de silencio, ás 12:00 do mediodía fronte á casa consistorial, pola morte de dous dos seus veciños nun accidente de tráfico ocorrido durante a madrugada do pasado domingo en Abegondo.
Ademais do minuto de silencio, que finalizou cun aplauso, as bandeiras municipais ondearán a media hasta polo falecemento destes dous mozos, de ao redor de 35 anos de idade, naturais da parroquia de Celas. "Os nosos pensamentos están coa familia e amizades destes mozos. Descansen en paz", expresou o goberno local.
Os dous mozos, condutor e copiloto, perderon a vida nunha saída de vía ocorrida ao redor das 04:00 da madrugada deste domingo na DP-0103, en Abegondo. Unha terceira persoa que viaxaba na parte traseira resultou ferida de consideración.
