Presentación dos proxectos da Deputación de Ourense en Bruxelas para captar fondos Next Generation
"Nun momento tan importante, co escenario dos fondos de recuperación, traballamos para achegar Bruxelas aos gobernos locais e intermedios", manifestou o presidente da Deputación, Manuel Baltar.
Por E.P. | SANTIAGO DE COMPOSTELA | 08/02/2022 | Actualizada ás 20:12
O presidente da Deputación de Ourense, Manuel Baltar, presentou este martes ante as autoridades europeas os proxectos deseñados polo goberno provincial para captar fondos Next Generation.
Segundo informou nun comunicado o organismo provincial, Baltar levou as propostas elaboradas polo seu goberno ante a sede de Partenalia, a asociación de gobernos provinciais europeos que el mesmo encabeza.
"Nun momento tan importante, co escenario dos fondos de recuperación, traballamos para achegar Bruxelas aos gobernos locais e intermedios", manifestou Baltar tras o encontro.
O presidente ourensán defendeu que é preciso reivindicar Ourense nesta etapa post pandemia "como un espazo perfecto para o emprendimiento, lanzar novas iniciativas empresariais ou o cooperativismo".
