Comesaña defende manter o certificado covid polo "papel importante" que xoga na vacinación

O conselleiro de Sanidade, Julio García Comesaña, avanzou que están "contentos" coa inoculación de segundas doses aos menores galegos --proceso que se iniciou este mércores--, cunha porcentaxe estimados de adherencia, segundo confirmou Comesaña, do 86% dos convocados.

Así se expresou o titular de Sanidade este sábado na Coruña, onde visitou a nova unidade móbil de doazón de sangue. Alí especificou que, "seguro que gran parte" dos nenos que non acudiron á chamada para a segunda dose é por "infectarse recentemente, tras o que deben esperar oito semanas para ser vacinados". "Estamos moi contentos coa resposta dos pais e nais, cun das porcentaxes máis altas de España, que seguro que se manterá como xa ocorreu coas primeiras doses, onde Galicia alcanzou o 82%, coa media estatal no 55%", destacou Comesaña.

CERTIFICADO COVID

Preguntado polos novos horarios na hostalaría, que entraron en vigor esta madrugada, o conselleiro confirmou que "todo discorreu con normalidade, como viña ocorrendo semanas antes". "Dada a situación epidemiolóxica, non tanto polo número de casos, que segue sendo alto, igual que os ingresados ou falecidos, con cifras importantes, a situación vaise normalizando no sentido de que empezamos a convivir co virus dunha forma máis ordinaria. Nese contexo e vendo a evolucion do que estaba a pasar nos locais de hostalaría, aos que facemos un seguimento diario, especialmente os fins de semana, e vendo o cumprimento estrito xeneralizado das medidas, pareceunos un paso lóxico avanzar na recuperación de horarios", explicou.

En canto á vixencia do certificado covid, Comesaña volveu a defender a súa utilidade, especialmente respecto da alta porcentaxe de vacinación, "onde xogou e xoga un papel importante". Así, indicou que o protocolo para o entroido, xa publicado, "mantense", do mesmo xeito que a esixencia de certificado, aínda que todo sexa obxecto de revisión. Nesta liña, e respecto dunha posible "convivencia" coa covid-19, o responsable do departamento autonómico considera que "se van dando pasos nese sentido", con diferencias notables entre o ano pasado e este, tales como a eliminación de corentenas para os contactos estreitos ou os autodiagnósticos.

"Ademais, acabamos de propor ao consello interterritorial reducir os illamentos a cinco días. Isto non significa que a pandemia acabe, pero si son pasos para convivir co ela dunha forma máis vulnerable", remarcou, tras o que engadiu que "se debe seguir poñendo o foco nos máis vulnerables" e que, "aínda que noutros países se fala de que determinados positivos non fagan corentena, agora mesmo, aquí, esa medida non está encima da mesa".

NOVA UNIDADE

O conselleiro de Sanidade pronunciouse así na presentación da nova unidade móbil de doazón de sangue, onde destacou o "altruísmo" dos galegos e a súa resposta "excelente" aos últimos chamamentos para doar, "con 400 ou 500 doazóns diarias, fundamentais".

Comesaña estivo acompañado polo delegado territorial da Xunta, Gonzalo Trenor; a directora da Axencia de Doazón de Órganos e Tecidos, Marisa López García; o presidente da Irmandade de Doadores de Sangue da Coruña, José Luís Castelo Couso; e o secretario da Irmandade, Miguel Ángel García Cabervos. O titular de Sanidade remarcou a "significativa partida orzamentaria" que supuxo a adquisición do vehículo, cun valor de 324.000 euros, "co que ademais se moderniza o parque móbil de ADOS". Esta unidade, sinala Sanidade nun comunicado, está previsto que empece a prestar servizo a semana que vén na área sanitaria da Coruña.