Por Europa Press / Redacción | SANTIAGO DE COMPOSTELA | 15/02/2022 | Actualizada ás 10:28
O índice de prezos de consumo (IPC) aumentou un 6,8% en Galicia en xaneiro en comparación co mesmo mes de 2021, segundo os datos que publica este venres o Instituto Nacional de Estatística (INE).
Este incremento está por encima do 6,1% da inflación que se rexistra en España en xaneiro, catro décimas por baixo da taxa de decembro (6,5%), debido ao abaratamento da luz, dos alimentos e dos paquetes turísticos.
De feito, a taxa interanual do IPC diminúe en xaneiro respecto de decembro en todas as comunidades autónomas, excepto en Galicia, onde se incrementa unha décima (era do 6,7% en decembro).
E é que o dato galego só é superado polo 7,2% que se anota Castela-A Mancha. No outro extremo, Canarias conta cunha inflación do 5,5%. Por grupos, o que máis crece en Galicia no último ano é a vivenda --inclúe electricidade e combustibles-- (+21%), seguida por transporte (+11,3%) e vestido e calzado (+7,4%). Só descende o prezo de comunicacións (-0,6%).
DATOS ESTATAIS
A taxa interanual do IPC rexistrada en España en xaneiro (6,1%) é unha décima superior á avanzada a finais do mes pasado polo INE (6%). No caso da taxa mensual (-0,4%), o dato definitivo é unha décima menor ao que adiantou Estatística (-0,5%).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.