Por E.P. | VIGO | 21/02/2022 | Actualizada ás 10:46
A Deputación de Pontevedra, a través do programa de asesoramento tecnolóxico SmartPeme, ofrece esta semana cinco novas accións formativas 'en liña' relacionadas con blockchain, podcast ou e-mail mercadotecnia, entre outros.
Así, os cursos comezarán este luns da man de Manuel Freire, experto universitario en robótica, que impartirá 'Blockchain, que é e como funciona'. Este taller dará inicio a unha serie de catro accións informativas que ten en común a tecnoloxía blockchain.
Para o martes, SmartPeme ten programada unha sesión titulada 'Audio marketing: crea e diferenciate da competencia cos podcast', na que Laura Carreira, graduada en Publicidade e Relacións Públicas, falará sobre os beneficios, formatos e casos de éxito destas publicacións.
O xoves, Fátima Faílde, licenciada en Publicidade e Relacións Públicas, será a encargada do taller 'Crea unha campaña de e-mail marketing con Mailchimp'. Nel os asistentes coñecerán esta ferramenta e aprenderán a crear un formulario e deseñar unha campaña destas características.
Tamén ese día levarán a cabo 'Así funciona WhatsApp business', impartido por José Luís Taboada, e 'Blockchain e criptomoedas', dirixido por Manuel Freire, onde explicará en que consiste esta tecnoloxía.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.