Abanca ficha a un ex do Banco de España como conselleiro independente

Abanca Vida e Pensións, compañía aseguradora do grupo Abanca, nomeou conselleiro independente ao ex-subgobernador do Banco de España Javier Alonso Ruiz-Ojeda, segundo comunicou este martes. A entidade destacou que o novo conselleiro está considerado "un especialista internacional en banca e mercados financeiros, especialmente nos ámbitos de operacións, pagos, mercados, regulación e supervisión".

Javier Alonso Ruiz-Ojeda é licenciado en Matemáticas pola Universidade de Zaragoza e Senior Management Program por IESE Business School. Conta cunha longa traxectoria no sector financeiro, con responsabilidades no Banco de España, do que foi subgobernador en 2017 e 2018, o Mecanismo Único de Supervisión do Banco Central Europeo (BCE) e a Comisión Nacional do Mercado de Valores (CNMV), entre outras entidades.

Abanca comunicou que, coa incorporación de Javier Alonso ao consello de administración de Abanca Vida e Pensións, o grupo "confirma a súa aposta polo negocio asegurador, así como por unha gobernación robusta coa participación de profesionais independentes de primeiro nivel".

Javier Alonso Ruiz-Ojeda, novo conselleiro independente de Abanca Vida e Pensións.. ABANCA | Fonte: Europa Press