O 1 de marzo abre o prazo para acceder por primeira vez ao sistema educativo ou para cambiar de centro

As listas provisionais de admitidos e excluídos publicaranse o 25 de abril.

Por E.P. | SANTIAGO DE COMPOSTELA | 27/02/2022 | Actualizada ás 10:17

Comparte esta noticia

O prazo para a solicitude de admisión nos centros escolares para o próximo curso 2022/23 ábrese o próximo 1 de marzo e permanecerá aberto ata o 21. Está destinado a todo o alumnado que entra por primeira vez no sistema educativo --maioritariamente en 4ª curso de infantil--, así como aqueles de infantil, primaria, ESO e bacharelato que desexan cambiar de centro escolar, sempre que haxa prazas dispoñibles.

Unha vez pechado o prazo de solicitudes, as listas provisionais de admitidos e excluídos publicaranse o 25 de abril e as definitivas antes do 15 de maio. Os prazos para formalizar a matrícula serán do 20 ao 30 de xuño para os alumnos de infantil e primaria e do 25 ao 10 de xullo, para os de ESO e bacharelato.

A Consellería de Educación pon a disposición das familias unha ferramenta informática, a aplicación 'admisionalumnado', que posibilita que os proxenitores cubran a solicitude na ampliación, marquen os criterios do baremo que, chegado o caso, queren que se lles valore, e poidan presentala de forma presencial no centro ou vía electrónica a través da propia aplicación.

Desta forma, a Xunta quere "garantir" o dereito á cidadanía ao acceso electrónico aos servizos públicos, mantendo a posibilidade de presentar a solicitude de forma presencial.

Ademais, as familias poderán consultar o estado de tramitación da solicitude nas distintas fases do procedemento, utilizando o código que xera a aplicación ao cumprimentar a solicitude, xunto co DNI do proxenitor que firme.

Como quedou establecido no sorteo público que tivo lugar este mesmo mércores na Consellería de Educación, en caso de empate de puntos, para unha misam praza, a prioridade establecida neste sorteo foron 'V' e 'O' para o primeiro apelido e 'A' e 'Z' para o segundo.

Arquivo - Dous nenos pequenos xunto aos seus familiares, ás portas do CEIP Manuel Mallo de Nadela. Carlos Castro - Europa Press - Arquivo
Arquivo - Dous nenos pequenos xunto aos seus familiares, ás portas do CEIP Manuel Mallo de Nadela. Carlos Castro - Europa Press - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta