Por GCAgro | Santiago de Compostela | 19/05/2014 | Actualizada ás 16:07
Unha trintena de organizacións de apicultores, ecoloxistas e entidades agrarias pediu ao Ministerio de Agricultura, Alimentación e Medio Ambiente (Magrama) e a nove comunidades autónomas que tomen medidas para frear a expansión da avespa asiática.
Nun comunicado, a Confederación en Defensa das Abellas na Cornisa Cantábrica (Codacc) explicou que xunto a outras 32 organizacións asinou un manifesto no que solicitan, ademais, ás administracións públicas que minimicen os danos que produce a avespa asiática no medio ambiente e as perdas económicas para a apicultura e a fruticultura.
A petición suscítase ao Magrama e ás comunidades autónomas de Galicia, Asturias, Cantabria, Castela e León, País Vasco, Navarra, Aragón, Cataluña e A Rioja.
No texto, os asintes aseguran que a situación "empeza a ser alarmante pola falta de medios para facer fronte a este insecto invasor e á súa rápida propagación".
Solicítanlles, en concreto, que poñan en marcha unha estratexia estatal de loita e control contra a avespa e que elaboren plans e programas para o seu control e erradicación, ou que se establezan accións técnicas de defensa das colmeas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.