Centos de persoas no regreso da Festa da Filloa de Lestedo en Boqueixón
A estrela da festa foi a gran máquina filloeira, con capacidade para elaborar ata 1.500 unidades cada hora
Por E.P. | Santiago de Compostela | 06/03/2022 | Actualizada ás 20:05
Centos de persoas gozaron en Boqueixón (A Coruña) da XXIX Festa da Filloa de Lestedo e do Alto dos Xenerais da Ulla, despois un ano sen celebración por mor da pandemia de covid-19. A estrela da festa foi a gran máquina filloeira, con capacidade para elaborar ata 1.500 unidades cada hora.
Ademais de actuacións de grupos musicais, desde as 11,00 horas, pódese visitar no local social de Lestedo a exposición fotográfica '39 anos filloando', organizada pola asociación de veciños de Lestedo.
Á celebración acudiron membros da Xunta como a conselleira do Mar, Rosa Quintana; a directora de Turismo de Galicia, Nava Castro; o conselleiro de Sanidade, Julio García Comesaña; o secretario xeral de Política Lingüística, Valentín García; o deputado de Promoción Económica, Blas García
Nava Castro interveu na inauguración oficial do evento, onde destacou que "calidade, promoción e valorización" conforman os tres alicerces sobres os que "pivotan as festas gastronómicas plenamente como esta celebración declarada Festa Galega de InterésTurístico desde 2008".
Pola súa banda, o deputado de Promoción Económica, Blas García, puxo en valor o produto típico da zona e fixo fincapé en que "esta celebración difunde a gastronomía da contorna, xerando riqueza, pero tamén serve como medio para crear novos vínculos de convivencia e relacións entre a veciñanza".
