Por E.P. | A CORUÑA | 14/03/2022 | Actualizada ás 16:56
A Deputación da Coruña convocou dúas dos seus premios á creación: o Torrente Ballester de narrativa e o Castelao de banda deseñada.
Segundo informa, as bases poden consultarse no Boletín Oficial da Provincia (BOP) do pasado 11 de marzo e o prazo de presentación de traballos publicarase en próximas datas.
O Torrente Ballester chega á súa 34 edición convertido "un dos premios máis veteranos dos que convoca a Deputación e un dos premios literarios máis prestixiados do panorama literario galego", en palabras do responsable provincial de Cultura, Xurxo Couto.
A dotación económica deste certame é de 15.000 euros para a persoa gañadora, tanto para obras presentadas en galego como para as presentadas ao premio en lingua castelá.
Pola súa banda, os premios Castelao chegan á décimoséptima edición para repartir 13.000 euros, 6.500 ao gañador en cada modalidade a concurso: a xeral, á que se poderán presentar obras dirixidas a todo tipo de lectores e lectoras, e a LIX, para obras dirixidas especificamente ao público lector infantil e xuvenil.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.