A incidencia acumulada de covid-19 segue subindo en Galicia

A incidencia acumulada de coronavirus a 14 días segue rexistrando lixeiros incrementos en doce comunidades autónomas --Andalucía, Asturias, Baleares, Canarias, Castela-A Mancha, Castela e León, Cataluña, Estremadura, Galicia, Navarra, País Vasco e A Rioxa-- e as dúas cidades autónomas, Ceuta e Melilla, en comparación coas últimas cifras do Covid-19 do martes, segundo os datos ofrecidos polo Ministerio de Sanidade.

Deste xeito, o indicador dos casos de coronavirus a 14 días por cada 100.000 habitantes sufriu unha pequena suba nos últimos días en doce comunidades e as dúas cidades autónomas, tal e como se indica nas cifras oficiais do Ministerio de Sanidade, que comezou esta semana a informar os datos do coronavirus soamente os martes e os venres.

Pola contra, cinco comunidades autónomas --Aragón, Cantabria, Comunidade Valenciana, Madrid e Murcia-- si que viron este venres baixar a incidencia acumulada dos seus territorios desde a última notificación do pasado martes.

En Galicia, a incidencia acumulada a 14 días subiu 16,33 puntos. En concreto, pasou de 883,57 casos por cada 100.000 habitantes do martes aos 899,9 de hoxe, tras sumar 24.258 casos nas dúas últimas semanas.

UC

Galicia sitúase como a terceira comunidade autónoma de España, despois de Estremadura e A Rioxa, con menor porcentaxe de camas UCI ocupadas por pacientes Covid no marco actual da pandemia por este coronavirus.

Así se extrae do informe actualizado na tarde deste venres, 18 de marzo, polo Ministerio de Sanidade sobre a situación da pandemia, no que se reflicte que Galicia presenta unha taxa de ocupación UCI por 100.000 habitantes de 0,67, fronte ao 0,78 do pasado martes, --mentres que a media de España ascende a 1,26) e unha porcentaxe de ocupación de camas UCI do 2,42%, mentres que a media nacional ascende ao 6,55%.

A taxa de ocupación hospitalaria por 100.000 habitantes en Galicia descende a 11,51, fronte á media de España de 9,65; mentres que a porcentaxe de camas ocupadas por pacientes Covid baixa a 3,67%, fronte ao 3,69% da media nacional.

En canto á letalidade global da pandemia, Galicia mantense cun 0,6 por cento na parte baixa da táboa, con 22 falecementos no últimos sete días. A media de España ascende ao 0,9%.

VACINACIÓN PEDIÁTRICA

Galicia lidera a vacinación pediátrica contra a Covid-19 en España, cun 51,3 por cento dos menores de 5 a 12 anos con pauta completa, mentres que a media estatal sitúase no 32,2%. A seguinte é Asturias, co 44,4 por cento.