O Encontro Irmandiño constitúese en colectivo

O Encontro Irmandiño, con 15 membros no Consello Nacional e tres na Executiva do BNG, constituirase mañán como colectivo organizado dentro do Bloque tras unha asamblea constituínte que terá lugar en Compostela...

Por Galicia Confidencial | Galicia | 20/07/2007 | Actualizada ás 18:49

O Encontro Irmandiño supón unha nova corrente política integrada no Bloque Nacionalista Galego. Tivo un protagonismo especial na pasada XII Asamblea Nacional da forza frentista, xa que a lista apresentada polo Encontro Irmandiño -encabezada polo histórico dirigente do BNG, Xosé Manuel Beiras- obtivo case 500 votos que representan un 17% da militancia.

O obxectivo principal do Encontro Irmandiño é o de encentar un proceso de rexeneración democrática auténtica, profunda e efectiva do BNG, de apertura á sociedade e á base simpatizante, orientada baixo os principios de asemblearismo e fraternidade, de auténtico respecto á pluralidade interna e de maior concreción de mecanismos que permitan aumentar a capacidade de debate, participación e decisión do conxunto dos/as militantes (democracia participativa).

No acto, que dará comezo ás 10:30 da mañá, elixirase unha Coordenadora Nacional formada por 10 membros. A sesión de clausura será de carácter público e aberto aos medios de comunicación e contará coa intervención final de Xosé Manuel Beiras".

6 Carlos

O divino Beiras é o único responsábel da súa situación e da do Bloque por moito que nas súas memorias seguro que descargará a responsabilidade en todo quisque e na U. O divino debía xubilarse xa e non rematar os seus anos nos como eses xogadores que non aceptan o paso do tempo e rematan dando un lamentábel espectáculo nos campos de futbol.

5 Xerman

Moitos aceléranse con todo o que é moderno.A moda prodúcelles orgasmos so con vela.Moda é a comida basoira;moda son ises zapatos plásticos que so teñen forma aparente e os tres dias esnaquízanse despois de foderche os pes.Eu quédome cun bo chuletón nun restaurante moderno ou,tamén un bo par de zapatos de bo coiro cun moderno deseño.O concetismo non pode quedar asovallado polo frívolo culteranismo.¡Laiome que non se acople o encontro o valioso Camilo Nogeira¡.Xermán.Ferrol

4 galiza ceive!

Teño que dicir que eu prefiro a anxo e a ánxela e non os membros do pasado. Beiras fixo un traballo que quedará resitrado para a nosa historia, e que dende logo ficará no noso corazón, pero o seu tempo xa pasou. O nacionalismo moderno e constructivo, centraqdo en desenrrolar o proxecto de pais.

Nacionalismo, por suposto, moito máis eficaz na procura da independencia.