Unha muller perde a vida tras envorcar o vehículo que conducía en Ourense
Aconteceu na N-525 sobre as 3:30 da mañá.
Por Europa Press / Redacción | SANTIAGO DE COMPOSTELA | 20/03/2022 | Actualizada ás 11:04
Unha muller faleceu na madrugada deste domingo tras envorcar o vehículo no que circulaba na N-525 en Ourense. Segundo informou o 112 Galicia, o accidente ocorreu ás 03,30 horas. Nese momento, varias persoas contactaron co servizo de emerxencias para informar do envorco dun vehículo e engadían que unha persoa se situaba fóra do turismo tirada no chan.
Con estes datos, o Centro Integrado de Atención ás Emerxencias avisou de inmediato aos servizos sanitarios, aos Bombeiros de Ourense e de San Cibrao das Viñas, aos membros do GES de Pereiro de Aguiar, á Garda Civil de Tráfico, á Policía Local de Ourense e ao Servizo Municipal de Protección Civil de Barbadás. Xa no punto, os profesionais sanitarios tan só puideron confirmar o falecemento da muller.
