O fin de semana sáldase con 53 persoas feridas en accidentes, das que dúas morreron
A provincia de Pontevedra foi a que máis sinistros rexistrou, con 18; seguida da Coruña, con 15; Lugo, con sete; e Ourense, con cinco.
Por E.P. | SANTIAGO DE COMPOSTELA | 21/03/2022 | Actualizada ás 10:19
Urxencias Sanitarias de Galicia-061 atendeu a 53 persoas debido a 45 accidentes de tráfico rexistrados este pasado fin de semana na rede viaria galega, das que dúas morreron. Segundo informou o 061, a Central de Coordinación recibiu entre as 15,00 horas do pasado venres 18 e as 23,59 horas do 20 de marzo 53 chamadas en relación con accidentes de tráfico. O domingo foi o día con máis sinistros, cun total de 19.
Os recursos sanitarios mobilizados polo 061 ascenderon a 58. En concreto, as ambulancias realizaron 52 saídas e os equipos sanitarios de Atención Primaria prestaron asistencia en seis accidentes. En 45 casos os feridos foron levados aos centros sanitarios correspondentes, en seis ocasiones recibiron atención no lugar do sinistro e dúas persoas morreron no punto do accidente.
A proporción de homes atendida ascendeu ao 58 por cento e a de mulleres situouse no 42%. Pola súa banda, en canto ás idades dos feridos, o 31% dos atendidos tiña entre os 20 e 34 anos. Por provincias, a de Pontevedra foi a que máis sinistros rexistrou durante os desprazamentos do pasado fin de semana, con 18; seguida da Coruña, con 15; Lugo, con sete; e Ourense, con cinco.
