Ferida unha persoa nas Somozas logo de ser alcanzada por un tractor

Unha persoa resultou ferida nunha perna ao ser alcanzada por un tractor nunha leira do lugar da Cabana, nas Somozas.

O 112 Galicia recibiu a alerta dos feitos ao fío das 12,30 horas, a través da propia persoa ferida.

Para atendela, solicitouse a intervención de Urxencias Sanitarias de Galicia-061, que mobilizou un helicóptero medicalizado, aínda que, finalmente, foi trasladada nunha ambulancia a un centro médico.

Ademais, o persoal do CIAE 112 Galicia pasou o aviso á Garda Civil, ao GES de Ortigueira e aos Bombeiros do Eume, que colaboraron co persoal médico desprazado para levar á persoa ferida ata a ambulancia.

Ambulancia do 061 | Fonte: 061-GALICIA.