Por E.P. | Santiago de Compostela | 22/03/2022 | Actualizada ás 21:19
A Fundación Pública Urxencias Sanitarias de Galicia-061 defendeu, fronte ás críticas da CIG, que a prestación de asistencia sanitaria urxente aérea a toda a cidadanía galega está "garantida no período comprendido entre o orto e o ocaso durante todo o ano".
Así se realiza, segundo trasladou, desde a execución da contratación vixente deste servizo en 2019, no que o horario de asistencia do helicóptero medicalizado do 061 se incrementou das 12 horas diarias ata o período comprendido entre o orto e o ocaso.
A Fundación esgrime que realiza "un estrito control do seguimento do contrato" dos servizos de transporte sanitario urxente, tanto aéreo como terrestre, e aplica as sancións pertinentes de ser necesario.
Finalmente, asegura ter constancia do cumprimento, por parte da empresa concesionaria do servizo, da normativa aeronáutica na que se inclúen os aspectos relacionados coa dotación do persoal dos helicópteros medicalizados.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.