Buscan un home que incendiou tres pallozas en Ribeira

O Concello considera que se trata dunha "acción vandálica".

Por E.P. | SANTIAGO DE COMPOSTELA | 29/03/2022 | Actualizada ás 12:42

Comparte esta noticia

O Concello de Ribeira atribúe a unha "acción vandálica" o incendio que calcinou os tellados de tres pallozas situadas no parque de San Roque desta localidade. Segundo informou o Consistorio, unha chamada dun particular sobre as 23,00 horas deste luns alertou á Policía Local de que se vía lume no parque de San Roque, polo que se avisou ao 112 para que enviase a un equipo de bombeiros.

Personados os axentes no lugar dos feitos, comprobaron que ardían os teitos de palla e madeira de tres pallozas alí situadas. No lugar estaban dous mozos que manifestaron ver un home que tirara pedras aos seus vehículos e, ao ser sorprendido, dirixiuse cara ás pallozas, ás que prendeu lume e escapou, indicaron as mesmas fontes.

Tras iso, efectuouse unha procura desta persoa sen lograr ata o momento dar co seu paradoiro. Por este motivo, seguen as pescudas. Ademais dos Bombeiros de Ribeira e a Policía Local, tamén interveu o GAEM e un axente forestal. A intervención de todos estes efectivos, destaca o Concello, "evitaron que se esparcese o lume".

Incendio en tres pallazas do parque de San Roque en Ribeira (A Coruña).. CONCELLO DE RIBEIRA
Incendio en tres pallazas do parque de San Roque en Ribeira (A Coruña).. CONCELLO DE RIBEIRA | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta