As reservas dos encoros galegos repuntan lixeiramente por encima do 50%
A auga embalsada en Galicia Costa vai á baixa, posto que supón 455 hectómetros cúbicos, cinco menos que a anterior semana.
Por E.P. | SANTIAGO DE COMPOSTELA | 29/03/2022 | Actualizada ás 20:33
Os encoros galegos contan con 2.101 hectómetros cúbicos de auga almacenados, o que supón 17 máis que hai unha semana, segundo os datos que publica este martes o Ministerio para a Transición Ecolóxica.
Deste xeito, a capacidade está en 56,5%, aínda que difire o 54,3% no que están os encoros de Miño-Sil (os de maior capacidade) do 66,5% que computan os de Galicia Costa.
En concreto, en Miño-Sil hai 1.646 hectómetros cúbicos, 22 máis que fai sete días. Esta cifra está lonxe dos 2.427 hectómetros cúbicos de hai un ano, así como dos 2.261 de media da última década.
Con todo, a auga embalsada en Galicia Costa vai á baixa, posto que supón 455 hectómetros cúbicos, cinco menos que a anterior semana. Tamén é menor ao dato do ano anterior (521) e de media de 10 anos (534).
