A Coruña descarta pór escoltas aos camións do lixo tras a queima de varios colectores

A alcaldesa da Coruña, Inés Rey, esixiu á concesionaria do servizo de recollida de lixo que "sente cos traballadores e alcanzar xa un acordo" tras rexistrarse esta pasada noite a queima de tres colectores. A preguntas dos xornalistas, condenou "calquera acto violento que non contribúee en nada á solución do conflito". "Quen se dedica á queima de colectores prexudica a chegada a bo fin da negociación e esixo que cesen ese tipo comportamentos", dixo.

Na mesma liña, requiriu que senten as partes a negociar "e alcanzar xa a un acordo que poña fin a máis dun mes de tensións e de conflitos". Por outra banda, ratificou que Tragsa seguirá traballando nos labores de reforzo, dado o lixo sen recoller en determinadas zonas, e que se manterá o estado de emerxencia. Descartou, no entanto, pór escolta aos vehículos.

Colectores sobordan de lixo no barrio de Monte Alto da Coruña pola falta do servizo de recollida de lixo tras a terceira madrugada de incidentes polo conflito do lixo, a 25 de febreiro de 2022 / M. Dylan - Europa Press. / Europa Press