Por E.P. | Santiago de Compostela | 01/04/2022 | Actualizada ás 15:57
O Xulgado de Primeira Instancia e Instrución Número 5 de Ayamonte (Huelva) decretou prisión provisional para dez detidos postos a disposición xudicial tras ser arrestados nunha operación contra o tráfico de drogas na zona de Ferrol.
Segundo informaron fontes xudiciais, foron postos este venres nove deles a disposición xudicial a través de videoconferencia desde Ferrol ao xulgado andaluz que leva a causa e outro pasou en Isla Cristina.
Para os dez, a autoridade xudicial decretou prisión provisional, no caso de tres deles eludible baixo fianza e un dos cales xa a abonou, concretaron as mesmas fontes xudiciais.
Os dez están investigados por un delito contra a saúde pública en relación a droga que chegaba a Huelva e que, posteriormente, era distribuída na zona de Ferrol.
No operativo levado a cabo por axentes da Policía Nacional da Comisaría de Ferrol-Narón e da Unidade de Droga e Crime Organizado (Udyco) foron detidas 14 persoas esta semana, das cales 10 foron postas a disposición xudicial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.