Por E.P. | LUGO | 05/04/2022 | Actualizada ás 12:00
O sector pesqueiro, tras varios días amarrados, confía en compensar as perdas, tamén como consecuencia da subida do gasóleo, coas vendas de produto en Semana Santa. O presidente da Federación Nacional de Confrarías de Pescadores e patrón maior de Burela, Basilio Otero, puntualizou este martes que os prezos polo peixe recupéranse "ao normalizarse a situación e volver todos ao mar".
"Agora son boas épocas (para a pesca), vén a Semana Santa e en teoría ten que haber bos prezos", manifestou o tamén patrón maior de Burela. Otero comentou, á súa vez, que o pasado sábado se celebrou "unha asemblea xeral da Federación Nacional (de Confrarías) e quedou en facer un seguimento" do acordo alcanzado co goberno "para saber como estas medidas se implementaron, saber como está o prezo do peixe e do gasoil, para ver se eses 20 céntimos non se aproveitan para subir o combustible e quedar no mesmo prezo". "O 23 decidiremos", advertiu.
Precisamente sobre o prezo do combustible, Basilio Otero confirmou que a súa redución xa a notaron "o venres", e afeou, seguidamente, que "había algunha petroleira que non estaba disposta a facer a rebaixa deses 20 céntimos", un problema que, di, non se produciu no "norte" onde opera Repsol.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.