O galego ferido nunha incubadora de ovos de Sevilla segue grave
Trátase do fillo do alcalde dunha localidade ourensá. A planta, que rematou por colapstar tras o incendio, estaba xestionada por Coren.
Por E.P. | SANTIAGO DE COMPOSTELA | 05/04/2022 | Actualizada ás 15:55
Un dos feridos como consecuencia dunha deflagración con posterior incendio acontecido nunha nave de Morón de la Frontera (Sevilla), utilizada como planta incubadora de ovos, é de Ourense e segue hospitalizado en estado grave.
Concretamente, trátase do fillo do alcalde do concello ourensán Lobeira, Antonio Iglesias. Ademais, no sinistro faleceu un traballador. O pasado xoves 31 de marzo, pouco antes das 16,40 horas, rexistrouse unha deflagración nesta planta situada no quilómetro 14 da estrada A-8125, que une Morón de la Frontera e Arahal. Posteriormente declarouse un incendio que desencadeou no colapso da nave, xestionada pola empresa Coren e antigamente pola sociedade Tomás Guerreiro.
