Por Galicia Confidencial | Compostela | 16/06/2014 | Actualizada ás 11:35
“A Policía española arrestou unha muller fuxida que estaba condenada por pertencer a un violento grupo separatista”. Así comeza a nova que este luns publica o xornal británico Daily Mail ao referirse ao apresamento de María Osorio.
A moza fora condenada a sete anos, nove meses e un día de prisión por integración na organización Resistencia Galega. “Este pequeno grupo procura a independencia da rexión noroeste de Galicia”, engade o xornal, que lembra que este grupo chamou a atención das autoridades logo de que un dos seus membros fora arrestado en posesión de explosivos en novembro de 2011.
“En España hai grupos separatistas en Galicia, na zona oriental en Catalunya e no noroeste na rexión basca. O máis coñecido é o grupo armado ETA, que matou a máis de 825 persoas nunha campaña pola independencia que durou catro décadas”, conclúe.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.