Declarada Festa de Interese Turístico de Galicia a Pascua de Padrón
Ten máis de 400 anos de antigüidade documentada.
Por Europa Press / Redacción | Santiago de Compostela | 08/04/2022 | Actualizada ás 20:04
O Goberno galego deu luz verde á declaración como Festa de Interese Turístico de Galicia da Pascua de Padrón, unha vez examinada a solicitude presentada polo Concello, e emitidos os preceptivos informes no ámbito autonómico.
Esta celebración súmase así ás 128 Festa de Interese Turístico de Galicia, 35 na provincia da Coruña, 32 en Lugo, 20 en Ourense e 41 en Pontevedra.
A Xunta destaca que a Pascua de Padrón é unha celebración con máis de 400 anos de antigüidade documentada, que conxuga o compoñente relixioso propio da Semana Santa cun enorme arraigamento na poboación e cun alto valor cultural, derivado das múltiples actividades que se desenvolven en paralelo, con carácter comercial, cultural, deportivo ou gastronómico.
