O vicepresidente Rueda celebra a fin das limitacións do covid en hostalaría: veñen días para "gozar"
Por E.P. | PONTEVEDRA | 09/04/2022 | Actualizada ás 16:27
O vicepresidente primeiro da Xunta e conselleiro de Turismo, Alfonso Rueda, celebrou o final das restricións na hostalaría, singularmente o tope de comensais, nun momento, ademais, de arranque da Semana Santa en que Galicia conta con boas previsións de ocupación e unha meteoroloxía favorable.
En declaracións aos medios en Tui, Rueda remarcou que "por fin, despois de todo o pasado, despois de máis de dous anos e tantos meses en que a enfermidade pegaba tan forte", esta noticia "non por esperada, deixa de ser moi benvida".
Referiuse así a que se "poida volver á vida normal en hostalaría", aínda que non sen esquecer que "hai que seguir tendo prudencia". "Pero é fundamental, chega no momento xusto, en que todas as previsións din que vai facer bo tempo (nos días centrais de Semana Santa", destacou.
O vicepresidente primeiro da Xunta destacou, así mesmo, veñen uns "días magníficos para gozar". "Despois de todo este tempo, merecémolo todos e, sobre todo, o sector que o leva pasando moi mal durante todos estes meses", subliñou.
