Investigan o roubo dunha caixa forte nunha igrexa de Padrón e o asalto a un convento da localidade
As denuncias foron interpostas na mañá deste luns, horas despois destes asaltos ocorridos de madrugada e que deixaron considerables danos materiais ao acceder aos edificios.
Por E.P. | SANTIAGO DE COMPOSTELA | 11/04/2022 | Actualizada ás 20:24
A Garda Civil abriu unha investigación para dar cos responsables de senllos asaltos en Padrón que afectaron o Convento da Carmen, ao edificio de Servizos Sociais do Concello e á Igrexa de Santiago.
Deste último edificio, segundo confirman a Europa Press fontes da investigación, os autores extraeron a caixa forte parroquial e máis diñeiro en efectivo.
As denuncias foron interpostas na mañá deste luns, horas despois destes asaltos ocorridos de madrugada e que deixaron considerables danos materiais ao acceder aos edificios.
Posteriormente, un equipo de Policía Xudicial da Garda Civil desprazouse ata estes lugares para proceder á inspección ocular e a toma de mostras que permitan dar cos ladróns.
