Navantia vulnera os dereitos dos traballadores de novo ingreso, segundo a Inspección
Un informe conclúe que fixa "condicións de traballo inferiores" ás do convenio ao non pagar un plus.
- CGT denuncia a falta de "igualdade de oportunidades" nos ingresos en Navantia Ferrol
- "Impostor e mercenario": a CGT acusa a Navantia de fraude por fichar un psicólogo sen colexiar
Por Europa Press / Redacción | SANTIAGO DE COMPOSTELA | 12/04/2022 | Actualizada ás 20:04
Inspección de Traballo determinou que Navantia vulnera os dereitos dos traballadores que ingresaron na compañía pública despois do 20 de decembro de 2018 por non pagar plus de distancia. A resolución parte dunha denuncia presentada polo sindicato CGT e establece que a empresa fixa "condicións de traballo inferiores" ás do convenio en vigor para os empregados de novo ingreso.
Incide en que a negativa a abonar a estes empregados o plus por distancia do centro de traballo de 0,073 euros por quilómetros constitúe "unha exclusión contraria aos dereitos recollidos no artigo 4 da Lei do Estatuto dos Traballadores e unha infracción laboral".
Así as cousas, CGT considera isto "unha vulneración máis" por parte de Navantia, á que demanda que pague "de forma inmediata" este plus "a todos os traballadores que teñen dereito a el segundo o convenio vixente, procedan do convenio anterior ou sexan de novo ingreso, tanto senior como junior".
