A CIG convoca unha decena de mobilizacións para reclamar medidas ante a inflación
Terán lugar en varias cidades este mércores.
Por Europa Press / Redacción | SANTIAGO DE COMPOSTELA | 18/04/2022 | Actualizada ás 18:09
A CIG convoca unha decena de mobilizacións este mércores, 20 de abril, para reclamar medidas ante a subida de prezos existentes. A central sindical demanda, ante a pobreza, políticas públicas e salarios dignos. Na concentración da Coruña, que se celebrará ante a Delegación do Goberno (12,00 horas), participará o secretario xeral da CIG, Paulo Carril.
O resto de mobilizacións realizaranse en: Ferrol, Compostela, Ribeira, Lugo, Ourense, Vigo, Pontevedra e Vilagarcía. Todas serán ao mediodía, salvo as de Ourense (11,00 horas) e Lugo (12,30). A CIG considera "indecente" que o Goberno central acorde aumentar un 2% o PIB en Defensa, sen dar unha solución á "carestía de vida e ás graves carencias e necesidades sociais, en servizos públicos e en defensa do emprego digno".
