Por Europa Press / Redacción | Santiago de Compostela | 22/04/2022 | Actualizada ás 16:30
A Sala de Goberno do Tribunal Superior de Xustiza de Galicia aprobou a actualización do protocolo de organización no que recomenda "o uso responsable e continuado de máscara" para o acceso aos edificios xudiciais e aos espazos comúns "durante todo o tempo de permanencia neles", así como nos despachos e oficinas das sedes dos órganos xurisdicionais.
Ademais, o documento establece que quen exerza a policía de estrados ou dirixa calquera acto xudicial ou gubernativo, poderá "redistribuír os asentos na sala de vistas para garantir a distancia de seguridade e aconsellar o uso responsable e continuado de máscara".
No caso de que non se poida garantir a distancia de polo menos 1,5 metros, e se non houbese unha adecuada ventilación ou asistise unha persoa con síntomas compatibles coa coa covid-19, quen exerza de policía de estrados ou dirixa o acto "poderá impor o uso da máscara durante todo o tempo", co obxectivo de evitar a súa suspensión do acto.
A Sala de Goberno, ademais, indica que, nestes casos, "puntualmente e por razóns excepcionais", se quen interveña na celebración do acto procesual non puidese "expresarse coa suficiente claridade ou facerse entender", poderáselle permitir a retirada da máscara "parcialmente e durante o instante necesario para emitir a palabra ou frase coa que a persoa se queira expresar", sempre que se respecte a distancia interpersoal.
No documento, advírtese que, aínda que o cambio da obrigatoriedade do uso de máscaras forma parte das modificacións nas estratexias de control da epidemia, a situación de crise sanitaria ocasionada pola covid-19 "permanece", e con ela "a vixencia das demais normas e medidas de carácter organizativo e tecnolóxico" que se recollen no protocolo do TSXG, "ata que o Goberno declare a finalización da situación de crise sanitaria ocasionada pola covid-19 ou se aprobe algunha norma legal ou regulamentaria que as deixe sen efecto".
USO EN MISAS
Por outra banda, as dioceses galegas recomendan manter o seu uso nas igrexas cando participen nas celebracións litúrxicas persoas vulnerables ante a infección pola covid e non sexa posible manter a distancia de 1,5 metros.
Tamén se apela ao uso do xel hidroalcohólico por parte do celebrante antes e despois da comuñón dos fieis lle e das unciones de diferentes sacramentos.
Ademais, agás en hospitais e residencias, chámase a recuperar, "con prudencia e normalidade", a liturxia habitual.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.