Por E.P. | SANTIAGO DE COMPOSTELA | 22/04/2022 | Actualizada ás 18:28
O Parlamento de Galicia aprobou este venres, na Comisión de Educación, unha iniciativa do PpdeG na que se esixe ante o Goberno central unha flexibilización de criterios para que os alumnos con TDAH poidan acceder ás bolsas para alumnado con necesidades específicas de apoio educativo.
Durante a defensa da proposición non de lei, a popular Rosalía López lembrou que a modificación nos criterios de concesión destas bolsas, que esixen agora a presentación dun certificado de discapacidade de, polo menos, o 33 por cento.
Con iso, dixo a deputada do PPdeG, quedan fóra alumnos con necesidades específicas de apoio educativo, como é o caso daqueles con Trastorno por Déficit de Atención con Hiperactividade (TDAH) que, a pesar de non alcanzar este nivel de discapacidade certificada, si requiren unha intervención e recursos específicos.
A iniciativa contou cos votos a favor de PPdeG e BNG e coa abstención das dúas deputadas socialistas, grupo que presentou unha emenda que foi rexeitada polos populares.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.