Por Galicia Confidencial | A Coruña | 24/06/2014 | Actualizada ás 11:25
Milleiros de persoas celebraron esta madrugada a chegada do solsticio de verán con fogueiras, festa, sardiñada e viño.
A pesares do mal tempo e as chuvias intermitentes que, durante todo o día, caeron ao longo do país, os galegos saíron á rúa para festexar o San Xoán. As festa máis numerosa tivo lugar no norte e no sur de Galicia. En Nigrán e Baiona concentráronse miles de persoas nas fogueiras que se fan ao pe da praia pero foi na Coruña onde a afluencia foi masiva.
Máis de 100.000 persoas congregáronse nos areais da capital herculina para desfrutar de miles de cacharelas reflectidas no mar. O lema, a diferencia doutros lugares de Galicia, que utilizou o reclamo tradicional do San Xoán, na Coruña preferiron o inglés para vender o "San Juan is back" (San Xoán está de volta).
As praias e rúas galegas amenceron con moitas das súas fogueiras aínda en chamas, con toneladas de lixo tras a celebración dunha noite máxica e algunhas rifas entre os grupos de mozos máis reticentes a apagar a festa.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.