Pontón xustifica o "si" do BNG ao decreto anticrise malia velo "insuficiente"

A portavoz nacional do BNG, Ana Pontón, xustificou o si do deputado Néstor Rego no Congreso á validación do decreto anticrise, aínda que o ve "insuficiente", porque "ten medidas positivas" e reactívase " a axenda galega".

Con motivo dun acto en Madrid, advertiu de que este decreto "non vai ser capaz de superar" a situación "grave" de inflación actual, pero "sería moito peor" que non se aprobase.

Ademais, destacou que o BNG "consegue" introducir algúns aspectos, como que a tramitación dos parques eólicos teñan obriga de exposición pública previa, algo que "preocupa" en Galicia ante o "boom eólico e o lobby eléctrico".

Pontón tamén subliñou que o Goberno de Sánchez "ten un compromiso de investidura" co BNG e agora "reactívase a axenda galega en Madrid". "Hoxe o BNG di claramente si a axudar á cidadanía deste país, aos sectores afectados (pola crise), sabendo que son insfucientes (as medidas)", remachou.