Desmantelado un punto de venda de heroína na Coruña

A Policía Nacional detivo na Coruña a tres homes pola venda de sustancias estupefacientes no barrio do Castrillón, segundo informa a Xefatura Superior de Policía de Galicia. A investigación iniciouse grazas á colaboración das asociacións veciñais, que denunciaron a presenza de numerosos consumidores de drogas na zona.

As xestións policiais levaron á identificación do tres homes como os distribuidores das citadas sustancias no barrio, procedéndose, por iso, á súa detención. No desenvolvemento da operación policial interviñéronse diversas cantidades de heroína, cocaína e haxix. Ademais, achouse unha pistola e munición, un puño americano, unha báscula de precisión e diñeiro en efectivo.

A operación desenvolveuse por UDYCO, da Brigada Provincial de Policía Xudicial da Coruña, coa colaboración do Grupo de Prevención e Reacción e a Unidade de Guías Caninos, da Brigada Provincial de Seguridade Cidadá da Coruña.

Material intervido nunha operación contra a venda de droga. POLICÍA NACIONAL | Fonte: Europa Press