O BNG demandará no debate de investidura de Rueda que se convoquen todas as prazas vacantes do Sergas
É unha medida incluída no plan de choque de reforzo da atención primaria exposto pola formación nacionalista.
Por E.P. | Santiago de Compostela | 03/05/2022 | Actualizada ás 15:37
A portavoz nacional do BNG, Ana Pontón, anunciou que o BNG levará ao debate de investidura unha proposta para a convocatoria de "todas as prazas vacantes" do Sergas, incluída no plan de choque de reforzo da atención primaria exposto pola formación nacionalista.
"Imos levar un plan de choque de reforzo da atención primaria de 200 millóns de euros", manifestou Pontón sobre as propostas que o BNG levará ao debate de investidura.
Entre algunhas das propostas incluídas neste plan, a portavoz nacionalista resaltou "a ampliación da carteira de servizos como psicoloxía ou fisioterapia nos centros de saúde" e a convocatoria "de todas as prazas do Sergas", ademais de que reclamarán "que se recuperen as xerencias de atención primaria, con recursos e con capacidade de decisión".
