O corpo da galega falecida nunha explosión na Habana repatriarase "o máis pronto posible"
Será "en canto rematen os trámites", din fontes diplomáticas.
Por Europa Press / Redacción | Santiago de Compostela | 08/05/2022 | Actualizada ás 13:34
O corpo da moza galega falecida na explosión do pasado venres no Hotel Saratoga da Habana (Cuba) será trasladado de volta a Galicia "o máis pronto posible", segundo informaron fontes diplomáticas.
Estas fontes explicaron que os restos da muller serán trasladados "en canto rematen os trámites" e destacou o labor do persoal diplomático destinado en Cuba que está a facilitar as xestións tanto coa familia da vítima como coas autoridades cubanas.
A muller, orixinaria de Viveiro, faleceu debido a unha explosión accidental ocorrida neste hotel do centro da capital cubana que provocou a morte doutras 26 persoas, segundo o último balance oficial do Ministerio de Saúde Pública cubano.
Ademais contabilizáronse 81 persoas feridas, das que 37 continúan hospitalizadas, incluído outro turista galego en estado é grave, parella da moza falecida. Outros 17 pacientes recibiron a alta médica.
