Toma posesión como deputado por Ourense o socialista Eduardo Ojea

O socialista Eduardo Ojea Arias (O Barco de Valdeorras, 1957) tomou este martes posesión como deputado do PSdeG pola provincia de Ourense tras a renuncia de Juan Carlos Francisco Rivera, quen anunciou a súa dimisión o pasado mes de abril.

"Si prometo, desde Valdeorras, terra de Florencio de Gurriarán", manifestou ao tomar posesión da súa acta en referencia ao autor ao que este ano se lle dedica o Día das Letras Galegas, que se celebra o próximo 17 de maio.

Licenciado en Bioloxía pola Universidade de Santiago de Compostela (USC) foi profesor no Colexio Pablo VI da Rúa e nos institutos Loureiro Olmo e Marta Guisela do Barco. Ademais, impartiu clases na UNED de Valdeorras.

Desde 1999 ata 2015 foi membro do grupo de goberno do PSdeG no Concello do Barco de Valdeorras, onde ostentou as responsabilidades de primeiro tenente de alcalde e concelleiro de Educación, Medio Ambiente, Cultura e Turismo, así como a portavocía municipal.

Eduardo Ojea | Fonte: Socialistas do Barco