Por E.P. | SANTIAGO DE COMPOSTELA | 10/05/2022 | Actualizada ás 12:38
A Consellería de Infraestruturas e Mobilidade recibiu 11 ofertas de empresas para executar as obras da estación de autobuses intermodal da Coruña, que suporán un investimento de 40 millóns de euros. Estas actuacións comezarán o próximo mes de outubro e xerarán 700 empregos temporais. As obras integrarán nun único espazo os servizos de autobús e ferrocarril, cunhas instalacións "renovadas, modernas e accesibles", segundo informou a Consellería nun comunicado.
A intervención, que ten un prazo de 29 meses, inclúe a execución do proxecto da nova terminal de autocares integrada na de trens e un aparcadoiro deseñado pola Xunta e que suporá un investimento de 29,7 millóns de euros. A obra inclúe, ademais, a construción da área de elementos comúns da intermodalidad elaborada por Adif, pero que asume agora a Xunta para a súa materialización, cun orzamento de 10 millóns de euros.
INVESTIMENTOS
Do investimento global de 39,8 millóns de euros, a Administración autonómica achegará 19,6 a través dos fondos Next Generation. O Concello da Coruña destinará 12 millóns, importe que verá en parte recuperado por medio da explotación comercial do aparcadoiro. Adif, pola súa banda, asumirá o peso maioritario do financiamento dos espazos comúns con oito millóns de euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.