Por E.P. | A CORUÑA | 11/05/2022 | Actualizada ás 18:12
A Marea Atlántica presentou alegacións ante a Consellería de Medio Ambiente, Territorio e Vivenda ao proxecto de acceso ao complexo hospitalario universitario da Coruña (Chuac), solicitando unha avaliación ambiental completa.
Nun comunicado, o seu portavoz municipal, María García, sinala que é "imprescindible reformular a mobilidade e mellorar os accesos ao novo Hospital da Coruña, pero facelo non ten porque agredir ao núcleo protexido das Xubias ou ao Pazo de Guyatt, construíndolles arriba unha rotonda de 20 metros de altura".
Da mesma, indica que "terá un impacto visual e ambiental enorme e, lonxe de mellorar a súa conectividade, suporá unha barreira para toda a contorna do litoral da ría do Burgo, illándoo máis"
"É necesario mellorar a mobilidade da zona e os accesos ao Chuac, pero non ten porque supor unha agresión ao patrimonio natural e cultural", sostén a portavoz municipal da Marea Atlántica.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.