Coruña celebra o Día dos Museos con actividades e visitas gratuítas en conmemoración desta data
O Concello da Coruña organizou, con motivo da celebración do Día Internacional dos Museos o próximo 21 de maio, diversas actividades gratuítas para conmemorar a data.
Por E.P. | A CORUÑA | 16/05/2022 | Actualizada ás 19:09
O Concello da Coruña organizou, con motivo da celebración do Día Internacional dos Museos o próximo 21 de maio, diversas actividades gratuítas para conmemorar a data.
No Museo Arqueolóxico e Histórico, situado no Castelo de San Antón, realizaranse dúas visitas guiadas en horario de mañá (12 horas) e tarde (18 horas), orientadas ao público adulto e cunha duración aproximada de 90 minutos.
Ademais, o Museo Arqueolóxico tamén contará varias actividades divulgativas. Para os máis pequenos e pequenas, de 6 a 12 anos, haberá dous talleres de arqueoloxía.
As Casas Museo da cidade tamén acollerán actividades especiais, en conmemoración do Día dos Museos. Entre elas está a organización de varias visitas guiadas gratuítas cada 30minutos, en horario de 17,30 ata as 20,00 horas, en cada unha delas.
