A Universidade da Coruña abre unha liña editorial sobre o Camiño de Santiago

A Universidade da Coruña (UDC) abriu unha liña editorial sobre o Camiño de Santiago en colaboración coa Asociación de Concellos do Camiño Inglés. Inaugurarase cunha publicación sobre o Camiño Inglés de Cristóbal Ramírez. O reitor da UDC, Julio Abalde, e o presidente da Asociación de Concellos, Manuel Mirás, asinaron este xoves un convenio de colaboración, segundo informaron nun comunicado.

Abalde manifestou a súa satisfacción polo acordo, "que permitirá que profesorado e alumnado do Grao de Turismo colabore na iniciativa". O presidente da Asociación tamén agradeceu a colaboración da UDC na posta en valor do Camiño Inglés, "que vai ser histórico pola recuperación dun Camiño que na Idade Media era a ruta de peregrinos a Santiago máis importante". Mirás sinalou que actualmente o Camiño Inglés é o terceiro en afluencia de peregrinos, "e en aumento", cun perfil de camiñante de elevado nivel adquisitivo.

Fonte inaugurada en Santiago de Compostela, no Camiño Inglés, dentro do proxecto Life Water Way | Fonte: C0nchi Paz - Xunta de Galicia.