Detidos dous homes en Ourense por mandar a outro á UCI tras unha malleira

Axentes de Policía Nacional detiveron a dous homes de 37 e 46 anos de idade como presuntos autores de delito de lesións na zona centro da cidade de Ourense por causar feridas graves polas que ingresou na UCI catro días outro home ao que non coñecían.

Segundo relatou a Policía Nacional, en dependencias policiais personouse un home para presentar denuncia polos feitos ocorridos o día 30 de abril sobre as 4,30 horas, quen manifestou que cando se atopaba nun local da zona centro achegóuselle un home e díxolle que saíse para fora para mallar nel. A vítima foi agredida na vía pública, nunha zona de lecer.

Un home abalanzouse sobre el e comezou a darlle puñadas, debido ao que perdeu o equilibrio e caeu ao chan, onde recibiu patadas tanto dese home como doutro que se achegou, o que, destaca a Policía, provocoulle "lesións graves polas que o ingresaron catro días na UCI e cinco días en planta". Achegou parte facultativo que recollía diversas fracturas e traumatismos.

Os axentes do Grupo de UDEV realizaron a investigación do feito delituoso e identificaron aos presuntos autores, tras o que procederon á súa localización e detención este pasado luns. Os arrestados foron trasladados a dependencias policiais para continuar coas xestións.

DROGA

Por outra banda, axentes da Policía Nacional detiveron a unha parella, un home e unha muller, como presunta autora dun delito contra a saúde pública tras ser localizados con sustancias estupefacientes nun control na estación intermodal de Ourense á que chegaron en tres.